“يا بنت الريف” قصيدة بالعامية المصرية

 عشان ف جمالها شئ تاني

ماهوش موجود ف أي مكان

عشان فيها الجمال ألوان

بلون الخضره طلتها

وضحكتها بطعم الفجر لما يبان

بشوفها بحس بالتوهان

انا العاشق جمال عودها

وانا اللي الورد في خدودها

يخليني ف لحظه ضعيف

أنا العاشق لبنت الريف

وانا الشرقاوي من قبلي

أصون العهد طول عمري

واحافظ ع الأصول حتى

ولو حطوا ف رقبتي السيف

وبنت الريف بلون الخضرة والميه

تشوفها وقاعده ع الترعه

تقول البنت حوريه وجنيه

بتسحر أي قلب يفوت

وتخطف م العقول تخاطيف

ماهيش واحده من البندر

ولا أبدا بتلبس شاش

دي تقدر تمشي تتغندر

وما بترضاش وتلمحها ف عز

الصهد بتوب كاسي لحد الأرض

ماهي فعلا تصون العرض

ومنها العفه تتعلم

معاني كل قلب عفيف..

ف صوتها معاني للرقه

ويمكن سيمفونية بوح

وفيها الروح ..

كما البلسم كما الترياق

ماهي المفطومه ع الأخلاق وع التقاليد

ف طلتها هلال العيد

وخطوتها نسيم الصيف..

انا العاشق لبنت الريف

يابنت شيخ …..البلد

ياللي الغفير خالك

دايره ف حواري البلد

وسايقه في دلالك

شغلتي قلب الولد من رن ….. خلخالك

لو كنتي غاويه السند أنا برضه …. خيالك

* * *

شعر : فادي ثروت مرتضى _ مصر

اقرأ/ى أيضا :

تورط المغنى الأمريكى “آر.كيلى ” فى انتهاكات جنسية مع نساء وقاصرات

مواصفات فارس أحلام هيفاء

أخر أخبار الفنانة ريهام حجاج

وشوشة تمنح نيكول لقب أفضل ممثلة لعام 2018