مين اللى قال ان الجراح
ممكن تكون متمكنه
إزاى وايامنا اللى جايه ممكنه
الدنيا مش قاسيه قوي
لكنها متلونه
عاشقه فى لحظه حنينه
ويا اللى راسم قلبه
فوق نخلة عطاء
الله على بكره اللى طارح
ميت ندا
لو طايره احلامنا
ترفرف فى الفضا
حاضنه مدارات التمنى المصمته
لاتلملمت كل النجوم المبهمه
عازفه ترانيم الصلاه
طارده فى ليل المنتهى
حاضنه فى فجر اللى ابتدى
يفرد فى نوره صمام امان
فيثبت الخطوه اللى كانت من زمان
تتمنى تحبى ع الصراط
هرمون آهات
واللى ا تحقن بيه اتحقن
قبل الميلاد
راضعين انين الذكريات
اللى اتعزف
على كل اوتار الاسى
نغمه وخارجه مهلهله
رغم انتشار النور وصوت الصهلله
وعيون إزاز متبسمه
بتداري كل اللى جري
هل ياترى فجر الندا
هيلاقى مطرح فى السما ؟
أه ياورود الدندنه
لو يرسموكي في المدي
هيلاقوا في الصوره ندي
هيلاقوا في الصوره انا
شعر : نادية لطفى _ مصر
رائعه واسلوب جميل دائما متالقه
حاضنة مدارات التمنى المصمته
بين كل كلمه و كلمه ميت معنى
قصيدة رائعة واحساس أروع
فجر الندا …مجرد اﻻسم روعه وكلمات تحمل أمل لبكره اروع واروع تسلم ايدك بجد
كلمات من شاعرة صادقة المشاعر — ربنا يوفقك
ربنا يوفقك كلمات من شاعرة صادقة المشاعر تحياتى
روووووووعه أستاذه ناديه شاعرتنا المبدعه
سلمت يداك أيتها المبدعة
رائعة حبيبتي وسيكون لفجر الندا مطرح ف السما
أحسنت ِ يا مبدعة
رائعة من روائعك رغم استخدام كلمات الحزن العميق الا انك بكل حرفة الشاعر وظفيتيها لتبعث امل واشراقة فى النفس المهلهلة ..
كل التحايا شاعرتنا الجميله نادية لطفى
قصيدة رائعة .. أبدعت شاعرتنا الراقية نادية لطفي
مع تحياتي و تقديري
انها من قصائد الحيرة الملغمة .. الغارقة في شفيف المشاعر وليست مثالية المشاعر .. تستحق الكثير من الشرح والقراءة لاستخراج مابين السطور من فنيات بنائية وري ….. والمجال لايسمح هنا .. نكتفي بالقول انه نص ثري جدا بديع جدا …. تقديري للشاعرة
سلمت يمناك
الله ع الشعر الجميل ابدعتي ياشاعرة اللهم بارك