المسحراتى الحلقة الاخيرة
كتبها لكم : محمد عبد القوى حسن
الليل يليل ع الغلابة كتير
زرع الفقارى تطيرة الزعابير
والليل يليل ع الغلابة ياناس
والنور قليل مش لاقى له مصير
طلعت تشاور مين يرد عليها
او مين يحاور ف اللى داسوا فوقيها
خطين امانى ف درب مش متعافى
اوصافى تكفى ياللى ما انتش كافى
غزه وجعها ف الفؤاد طوالى
وسوريا ماعمر ف يوم تفارق باللى
تبكى اليمن ايام تعدى عليها
وقرطبة كانت ومين يناديها
فهرس حياتى مش عاطينى ملامح
بغداد تنادى ياللى ما انتش سامع
خط الوطن على درب روحى واجعنى
مين يشترينى ياللى انت بايعنى
او مين يطمن روحى فى مضاجعها
تسهر تهدد روحها فى مدامعها
والليل يليل والصباح راح يرجع
على يد ثوارها وماحين عارها
لاخد بتارها م اللى حاول يوم
ياكل فطارها وحق كل القوم
النوم كفايا نوم وهبوا كفاية
ياللى انتوا مش فاهمين معانى الآية
عندك دراية عن حابسها ضلوعها
او يوم تفرق بين شاريها ف بيعها
ياربوع عفيه هبى لبى ندائى
ياجيوش وطنا من شهيد وفدائى
هذا الوطن قلبى والفى وبائى
لازم يناهض للى جاب لى ف دائى
يستأصل المرض صابنى ف غفله
ياايدين ياسافلة نقطعك من اصلك
وانت لافصلك ليكى هد مفاصلك
ترجع تفاصلك ف التمن والدية
اهديها روحى وقلبى حتى عنيا
وارجع اشم النسمة من حواليا
وتغنى تانى ياللى ما انتش لاقى
تقعد بواقى الطبل والصفارة
وف كل حارة النصر هات له امارى
المسحراتي الحلقة الاخيرة
قد يعجبك أيضا:
مسلسل حكايتي الحلقة 27 سليم يقتل حسام بالرصاص
ليبرمان يحذر من «حزب الله» جديد في غزة
عذراً التعليقات مغلقة