المحبة للأحبة مش كلام : قصيدة بالعامية
شعر: محمد البلاط _ مصر
لما تسمع من حبيبك
كلمة تجرحلك فؤادك
يبقى باعك
يبقى خانك
يبقى مش محتاج حنانك
ولما تلمح فى عنيه
خوف من رد لسؤالك
او تحس ان فيه
شىء هيوطى كيانك
يبقى ارحم
ليك وليه
الفراق لو كان مكانك
جمر تتقلب عليه
وميقلوش بأنه باعك
المحبة للأحبة مش كلام
ولاحرمان بهجر اوخصام
المحبة بالمودة بالحنان
واللى يعطى ما يقولش بيعطى كام
وان غضب فى يوم حبيبك
يبقى تفرشله السلام
وارضى بس انت بنصيبك
واعتبر بأنه خام
ولما تسمع من حبيبك
كلمة تجرحلك فؤادك
يبقى باعك يبقى خانك
يبقى مش محتاج حنانك
***
وان غضب فى يوم حبيبك
يبقى تفرشله السلام
وارضى بس انت بنصيبك
واعتبر بأنه خام
ولما تسمع من حبيبك
كلمة تجرحلك فؤادك
يبقى باعك يبقى خانك
يبقى مش محتاج حنانك
قصيدة للشاعر محمد البلاط رومانسية جميلة كلماتها راقية مفرداتها سلسلة تحمل صور شعرية بديعة ونقدمة لقراء صحيفتنا الساعة 25 من خلال القسم الثقافى والادبى وكعادتنا فى تقديم المبدعين الصادقين فى كلماتهم وابداعاتهم .
قصيدة بالعامية
قد يعجبك أيضا:
لوين السفر : قصيدة من شعر العامية المصرية
الشعر البدوي المصري وحوار مع قدورة العجني احد نجومه
سارة دندراوي : تثير غضب الكويتيين من اجل اسعار الخمور بقطر
عذراً التعليقات مغلقة