وصعدوا لربهم صايمين ..المسحراتى الحلقة 15 

وصعدوا لربهم صايمين.. المسحراتى الحلقة 15

شعر: محمدعبد القوى حسن

 

وصعدوا لربهم صايمين

وصعدت روحهم الطاهرة لمولاهم
وهم صايمين

وواخدين الموات بالحضن
ورحلوا ف صمت
وكل العالم اهى عايشة
وهما بس ميتين
وزى ماماتوا عطشانين
يبيع الخاين الاعمى العميل الدون
الاف ملايين
وزى ماماتوا موحدين
موحد خطوتة الملعون مع الشياطين
اموت انا فطيس
وانت تعيش
مع الاباليس
اموت كدهو ولاحدش يعرف انا مين
لكن انت جميع الكفره عارفينك
جميع السفله شايلينك ف ننى العين
تبيعنى لروس
تبيعنى مجوس
يبيعنى للصهاينه الدون
ماعدت اهون عليك وانت
ف سهرة انس بعت الدين
تبيعنى وبعت اطفالى
تبيعنى وبعت اوطانى
تبيعنى وبعت خلانى
ماعدت اعرف قاعدلى مين
لكنى بموت وانا صامد
وانت حى ومطاطى
لكنى اموت وانا صايم
وانت للشيطان قايم
وراكع دوم امام سافلين
وانا ميت وواخد موتى بالاحضان
اكون اشرف من حياتك ف الخيانة جبان
وانت فى العماله حوان
وانت لعنة الرحمن عليك فى كل لحظة ثوان
سلام الله على ارواحنا
وانت الله عليك قادر
سلام الله نموت واحنا
وقعنا ف ايد عميل غادر
تبيع الدم والاوطان
وتسجد قدام الكهان
توزع رجسك البهتان
وفسقك يابن عم الجان
عشان تتزعم السلطه
وانت ماتساوى (….)
مسيرك يوم يابو البراميل
تموت مرجوم بايد ابابيل
ويتوزع دماك ع الارض
فترفض ارضنا دمك
ولا تلقى اللى هايلمك
غير النيران غير القطران
غير الغسلسن
واحنا نلاقى رب كريم
ف شهر الصوم اليه صايمين

سلام الله على ارواحكم

وهى ساكنة عليين

المسحراتي الحلقة 14 من بغداد

اقرأ/ى أيضا

المسحراتي الحلقة 14 من بغداد

المسحراتي الحلقة 12 احمد ياسين

الساعة الخامسة والعشرون رواية العصر

تنويه هام 
الآراء المنشورة في الموقع تعبر عن آراء أصحابها ولا تعبر بالضرورة عن رأي أو توجه الموقع، كما أن الموقع يعمل على تقديم خدمة إخبارية متكاملة للقراء معتمدا على ما يتم تداوله في المواقع والصحف ووكالات الأنباء العربية والعالمية، وبذلك لا يتحمل الموقع أية مسؤولية جراء ما ينقل عن تلك المصادر.