قصيدة من الشعر الشعبى العراقى عن التعليم

الشاعر ع26 أكتوبر 2018آخر تحديث :
قصيدة من الشعر الشعبى العراقى عن التعليم

بده العام الدراسي وبدت الهموم

وبيتي عالمدارس بابه صاير

نسيت …وداعتك جيت اشتري هدوم
الك …ومحضر اقلام ودفاتر

مو تسمع قيام …وليش ماتكَوم؟
ومر اسمك ولا من كَال …حاضر

الشمس طلعت علينا…مو وكت نوم
وهم عدكم صبح يا اهل المكَابر

وهم عدكم …ضوه …وشباچ …ونجوم
وهم ينطونكم واجب الباچر ؟

الوالد بالوداع يصير مهموم ..
وانا اثنينهن والد وشاعر

خيلك طشرتني وچنت ملموم …
وصارت طيحتي بين الحوافر

اذا عشرين يوم وما شفت نوم..
شيظل بالحيل بالعشره الاواخر؟

فراش الفاتحه لو شفته ملموم ..
بنص كَلوبنا تلكَى الچوادر

يمنه المصبغه ..ودينه لهدوم
الحزنك مشترينه قماش حاضر

تمنيتك جرح …كلساع ملچوم
وتبات الليل بشفاف الخناجر

انا يا بوي من ونيت مالوم ..
نزل مني دمع يعمي النواظر

خدودي تعودت تتندى كل يوم ..
وتحب الماي خشبات الكَناطر

لمت الروح بس شفادني اللوم.؟؟
شلحك ؟ وبسفينة الموت عابر؟؟

المنايا عالسطح وعيونها تحوم…
عليك …ونزلتلك نسر كاسر

ستر الله نغگ بديارنا البوم…
اخذ عين الكَلاده وراح طاير

ديني حلاتك حلو الرسوم..
بلكي انعشگ ، دنيانا مظاهر

اظل كاظم وصبري وياي مكظوم…
لوما هالخشب جوه الاظافر

اهن كاسين بيهن كاس مسموم…
خاف اغلط وبالمسموم اكاسر

بعنه البيت، ريت البيت مهجوم….
وريت اكثر بعد من هالخساير

تحب انت اللعب والگبر ملموم …
شلون تحملت وشلون صابر؟

وليش من الهوى يابوي محروم …؟؟
ونسمات الهوى تطيب الخاطر

منهو ؟ الشوفك صورةالمعدوم…؟؟
وليش تعلكَت ياشاب يا قاصر

ما ظنيت زرعي يروح فد يوم …
وعصافير الحزن تگضي البيادر

من اكتب قصيده تزيد الغيوم…
ومن عيني الدمع يملي الدفاتر

يبقى بهل مطر ياشعر منظوم…
نصاري الحسين وبحر وافر.

الشاعر الكبير كاظم اسماعيل الگاطع

 

غغغ

‘كاظم إسماعيل كاطع الحمراني المحمداوي شاعر شعبي عراقي. يعد واحدًا من ثلاث أعمدة للشعر الشعبي في العراق وهم مظفر النواب، عريان السيد خلف وكاظم إسماعيل الكاطع. كاظم إسماعيل الكاطع يعود بجذوره إلى محافظة ميسان في العراق من مواليد 1950 م في بغداد/ مدينه الصدر.

الميلاد: 1950، الأعظمية، بغداد، العراق

الوفاة: 2012

الكتب: الاعمال الشعرية الكاملة

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

الاخبار العاجلة