المسحراتي الحلقة 19 ناعسه

المسحراتي الحلقة 19 ناعسه

 

شعر : محمد عبد القوى حسن

وﻻ عاد لناعسه حلق
وﻻ عاد لها خلخال
وميراث ابوها كله
نص ريال
تتغطى من برد الشتا بالهم
وتدارى حر الصيف بكوم اهوال
نطوا العيال ف الجرن سرقوا الغله
وولعوا ف التبن والنار هاله
وخليفه كبر ف السن
صاحب العله
وابو زيد غواه الجن
نام ف الضله
خضره الشريفه باعت الكرادين
رهنت كمان القصر والفدادين

وطابور جوارى مسلسلين نازلين
قدام عيون الخلق ف الميادين
يتباعوا من غير تمن لناس تانين
اندال واوﻻد كلب نخاسين
داخلين علينا ف عز ضهر الكون
بيكسروا ف الشكل والمضامين
وﻻ عرف .. وﻻ مبدا .. وحتى قانون
قدام عيونهم يعملوله حساب
هربوا جميع الحرس .. وصابهم خرس
ماقاعدش غير البوم على اﻻبواب
والخلق توهه بين سراب وضباب
صبحوا ف ديارهم كلهم اغراب
واللى رماهم طعم وسط الميه
لحيتان لئيمه يضيعوا بين انياب
واحد عميل . خاين .. خسيس كداب
والنجع اصبح هو .. م الرجاله
نجع الهلا لى زمان داكان له قواله
نسوان يالللى انتوا تحت الضله
رجاله ياللى انتوا ف القياله
وعيال بجد لئيمه جات تتنطط
تفرح وتشبع رقص ف اﻻهوال
علشان كده تبيع ناعسه حلقها
وخضره الشريفه ترهن الخلخال

 

لو ناعسه قامت

ناعسه تكفن حزنها ف خمارها
من بين عفار السكك بتفرد شالها
وتلم نقطه من جميع عزالها
مين اللى فرهد ضحكتك بين غربتك
وسن فاسه وحطه بين اشجارها
والوقت شارب بين كعانه ف نارها
بعزف شيطان البؤس على اوتارها
مين اللى الهمها ومين اوحالها
لوناعسه فاقت ييجى من يوحلها
لوناعسه قامت ييجى من يهترها
لوناعسه باعت ييجى من يبصم لها
يرهن مهرها لعهرها ودمارها .

 

المسحراتي الحلقة 14 من بغداد

المسحراتي الحلقة 12 احمد ياسين

الرواية الخالدة الساعة الخامسة والعشرون

اكتب تعليقك
تنويه هام 
الآراء المنشورة في الموقع تعبر عن آراء أصحابها ولا تعبر بالضرورة عن رأي أو توجه الموقع، كما أن الموقع يعمل على تقديم خدمة إخبارية متكاملة للقراء معتمدا على ما يتم تداوله في المواقع والصحف ووكالات الأنباء العربية والعالمية، وبذلك لا يتحمل الموقع أية مسؤولية جراء ما ينقل عن تلك المصادر.
عاجل